ကိုယ်အလွန် မျှော်လင့်နေတဲ့ အမှာပစ္စည်းတခုအတွက် ရောင်းသူက ကိုယ့်ဆီ စာပို့ လိုက်တယ်။
ချစ်တဲ့ Grace
မင်းမျှော်လင့်တဲ့ ပြီးပြည့်စုံတဲ့ နွေဦးတခု မကြာမီ ရောက်လာတော့မှာပါ။
လှပတဲ့ နွေဦးမှာ နွေးထွေးတဲ့ လေပြည်ညင်းရယ် မင်းအကြိုက် သစ်တောရိုင်းနံ့ စိမ်းပျပျနဲ့ အတူ ကျေးသားလေးတွေ သီချင်းဆိုသံတွေ ပါလိမ့်မယ်။
မင်းရင်ခုန်သံ ခပ်စိပ်စိပ် ကြားနေရမဲ့ မျှော်လင့်ချက်တွေလဲ မင်းတောင်းဆိုချက်အတိုင်း အတူထုပ်ပိုးထားတယ်။
ငါတို့  ကံကြမ္မာ ရောင်းဝယ်ပို့ ဆောင်ရေးအတွက် မင်းဟာ အရေးပါတဲ့ စားသုံးသူတစ်ယောက်ပါ။
အတုံ့ အလှည့် ဆိုတဲ့ ကုန်သွယ်စာချုပ်မှာ ပါတဲ့အတိုင်းပဲ မင်းမှာ တင်ရှိသမျှ ဘဝကြွေးတွေ ပေးဆပ်ပြီးတဲ့အခါ ပျော်ပျော်ရွှင်ရွှင် "စံ"ပါ။
အတုံ့ အလှည့်ရဲ့ မူအတိုင်း အကောင်းဆုံးတွေကို ဝေငှပါ။ အတုံ့ အလှည့်ရဲ့ ပြဌာန်းချက်အတိုင်း နာကျင်မှုတွေက သင်ခန်းစာယူပါ။
ဓမ္မ ဘက်က ရပ်တည်တဲ့ အခါ အဓမ္မ သမားတွေဟာ နာနာကျည်းကျည်း ထိုးနှက်တတ်ကြလို့  အဲဒီအတွက် ပြင်ဆင်ပါ။
ခရမ်းပြာပန်းတွေ ဝေချိန် ကျောင်းခေါင်းလောင်းသံ သာချိန်မှာ မင်းရဲ့ အမှာပစ္စည်း မင်းလက်ဝယ်ရောက်လိမ့်မယ်။
အကြောင်းကြောင်းကြောင့် နောက်ကျနေမှုကို နားလည်စိတ်ရှည်ပေးတဲ့ မင်းကို ကျေးဇူးသိပ်တင်ပါတယ်။
ရောင်ချည်ဖြာလင်းသော နှစ်သစ်တခု ဖြစ်ပါစေ။
သင်၏ ဖြောင့်မတ်သော
ကံကြမ္မာ
