ဟန်မဆောင်တတ်သူ လူယဉ်ကျေး နယ်ပယ်ကို ခရီးဆန့် ချင်ခဲ့
အသားလို၍ အရိုးတောင်းခြင်းမရှိ
ဝန်တိုမှုတွေ မြှုပ်နှံထားတဲ့ တရှိန်ရှိန်အပြုံးတွေမရှိ
တဖွဖွကြင်နာဟန်ဆောင်တဲ့ ဓါးရိုးတွေမရှိ
အဖြောင့်အတိုင်းပြော အမှန်အတိုင်းပြုံးတတ်တဲ့ မျက်လုံးတွေ
ယဉ်ကျေးတဲ့ နုညံ့တဲ့ စကားတိုးတိုးမှာ မေတ္တာတရား စိမ့်ဝင်
ပုခုံးစွန်းပေါ် ခပ်ဖွဖွ အားပေးထိခတ်မှုမှာ
လက်ဖဝါးတွေသာ ကြမ်းချင်းကြမ်းမယ်
စိတ်တွေက မကြမ်းတမ်း....
လျှောက်ခဲ့တဲ့ လမ်းတွေ မတူဘူး
အနိမ့်အမြင့် အမြင်မျိုးစုံဝန်းရံ
တခါတရံလဲ အံတင်းတင်းကြိတ် မာန်တင်းတတ်တယ်။
ရံဖန်ခါလဲ ရင်ကိုဖွင့်၍ ရယ်မောတတ်တယ်။
ဟန်မဆောင်တတ် ယဉ်ကျေးတဲ့ လူ့ အသိုင်းအဝိုင်း ဆီ...

မိန်းမလှလေး Helen

ဆိုင်နံရံတွင် ထွင်းထု တပ်ဆင်ထားသော လိပ်ပြာပုံ ကြည့်မှန်မှ ဆိုင်ရှေ့ တနေရာစီသို့  သူမစိုက်ကြည့်နေသည်။ ဆိုင်ရှေ့ မျက်နှာစာ display မှန်အိမ်ထဲတွင်မတော့ အဝတ်အစား ကြော်ငြာထားသည့် အရုပ်မလေးများက ကိုယ်ဟန်အမျိုးအမျိုး နှင့်။
 နွေ့ အကြည့်တွေက သူမကို ဘေးတစောင်း ကျောခိုင်းကာ မေးထောက်လျှက်ရှိသည့် ကိုယ်ဟန်ပြ အရုပ်မ လေးဆီ ဝေ့ကာ ဝဲကာ ရောက်တတ်သည်။
 ရှုပ်ထွေးထွေပြားသော အတွေးစများက နွေ့  မျက်နှာပြင်ထက်တွင် ပြေးလွှားလျှက်။
x x x x x x x x x x x x x x x
ဒီဖက်ရှင်ဆိုင်ကလေးကို နွေ့  ဝါသနာအရရော ရပ်တည်မှုအတွက်ပါ စတင်ခဲ့သည်။ အစကတော့ နိုင်ငံခြားက ဈေးသင့်တော်သော အဝတ်အထည်တွေ မှာယူကာ ရောင်းချရုံပင်။ ကိုယ်တိုင်လဲ စိတ်ဝင်တစားရှိတော့ အရောင်တွေ ဒီဇိုင်းတွေ အဆန်းတကြယ်ဖြစ်အောင် ကစားရင်း တဖြည်းဖြည်းနဲ့  ကိုယ်ပိုင် တံဆိပ်ကိုပါ တွဲကာ ရောင်းချလာနိုင်ခဲ့သည်။
အရင်ကတော့အိမ်ရှေ့ ခန်းတွင် တွဲဖွင့်နေရာယူထားသော အိမ်ဆိုင်လေးမှ တဖြည်းဖြည်း အရောင်းရသွက်လာတော့ အိမ်မှာ နေရာလေးချဲ့  မှန်အိမ်လေး လုပ်ကာ အရုပ်ကလေး ၂ရုပ် ၃ ရုပ်ဝယ်ရသည်။ ကိုယ်ပြလိုတဲ့ ဒီဇိုင်းလေးတွေ အရုပ်မှာ ဝတ်ပြတော့ လမ်းသွားလမ်းလာတွေ တွေ့ မြင်နိုင်သည်။ ၁နှစ်ခန့် အကြာ ရိုးရိုးအဝတ်အစားများသာမက မင်္ဂလာဆောင် အဝတ်အစားများပါ ငှားရမ်း ရောင်းချလာနိုင်ခဲ့သည်။
အရုပ်မလေး ၃ ရုပ်က မှန်အိမ်ထဲမှာပေမဲ့  နေပူဒဏ် ရေငွေ့ ရိုက်တဲ့ဒဏ်နှင့် ဆေးရောင်ကျ စ ပြုလာသောအခါ အရုပ်အသစ်ဝယ်ရန် နွေ တယောက် website ပေါင်းစုံ မှာရှာရဖွေရတော့သည်။ နွေလိုချင်သည့် အရုပ်က အလျှင်ရှိပြီးသား အရုပ်တွေလို ကိုယ်ဟန်တမျိုးတည်း ပုံသေပြသည့်အရုပ်မျိုးမဟုတ်။ ခန္တာကိုယ် အမူအရာ ကို ပြောင်းလို့ ရသည့် အရုပ်မျိုး။ ခန္တာကိုယ်၏ တစစ်ချင်းစီကို တကယ့်အမျိုးသမီးတစ်ယောက်လို ပြောင်းလဲနိုင်ပြီး ဆွဲဆောင်မှုရှိ လှပသည့် အရုပ်မျိုး။ supplier ပေါင်းများစွာနှင့် ချိတ်ဆက်လိုက် ဈေးမေးလိုက် နောက်တွန့် သွားလိုက်နှင့် အရုပ်ရှာပုံတော်မှာ သုံး - လေး လခန့် ကြာလာသည်။
နောက်ဆုံးတော့ ယိုးဒယား supplier တခုက အရုပ်အဟောင်းဝယ်ချင်ရင်ဖြင့် သူ့  customer တစ်ယောက် ဆိုင်ဖြုတ်မှာ ဖြစ်သည့်အတွက် သုံးလက်စ အရုပ်များနှင့် ပစ္စည်းများ ဝယ်ယူနိုင်သည်ဆိုသည်ဟု သတင်းပေးလာသည်။ ဈေးကလဲ ကိုယ်အဆင်ပြေတဲ့ ဈေးနှုံး သူပို့ ပေးတဲ့ ပုံတွေကြည့်ရတာလဲ second good ဆိုပေမဲ့ တော်တော်ကို လှသေးသည်။ သို့ နှင့် ဘန်ကောက် ကို ရောက်ခဲ့သည်။
 ဆိုင်တွင်းဝင်လိုက်သည်နှင့် မျက်စိကျစရာတွေက အများသား။ ဆိုင်ရှင်အဘွားကြီးက အမေရိကားရှိ သမီးဖြစ်သူဆီ ပြောင်းရွှေ့ နေထိုင်တော့မည်ဖြစ်သောကြောင့် ဆိုင်ကို ဖြုတ်တော့မည်ဖြစ်ကြောင်း။ ဆိုင်မှာ ၁နှစ်ခွဲလောက်သာ ဖွင့်ရသေးပြီး သမီး အိမ်ထောင်ကျ ကလေးမွေးသည့်နောက် လိုက်ရသည်နှင့် အမြဲလိုလိုပိတ်ထားရကြောင်း ဖောင်ဖောင်ဖွဲ့ ကာ ဧည့်ခံရှာသည်။ ဝယ်သူရှိတုန်း လက်စ ဖြတ်ချင်ဟန်ဖြင့် လက်ရှိ အဝတ်အစားများ အရုပ်များ မီးဆိုင်းများကို အလွန်ချိုသောဈေးနှင့်ရောင်းသည့်အပြင် ခင်းထားသည့် ကော်ဇောတွေ လိုက်ကာတွေ ဆလိုက်မီးတွေ ထိုင်ခုံရှည်များ အဝတ်လဲခန်းကြည့်မှန်များ နှင့် အသုံးအဆောင် တို့ တိတို့ တိများကိုပါ အလကားနီးပါးဈေးနှင့် ပေးလေသည်။
display ရုပ်သာ ဝယ်မည်ဟု မှန်းထားသည်ထက် ပိုကုန်ကျသော်လည်း ထိုက်တန်သည်။
 အရောင်းအဝယ် စာချုပ် လက်မှတ်ထိုးရင်း ဆိုင်ရှင် အမျိုးသမီးကြီးက ဆိုင်တွင်း တချက်ဝေ့ကြည့်ကာ အရုပ်တွေက မိန်းကလေးရုပ်တွေဆိုတော့ အဝတ်လဲရင် အပြင်မှာ မလဲနဲ့ ပေါ့။ ပြီးတော့ သူတို့ ကို အလှပြင်ပေးလို့ ရတယ်။ အလှပြင်တော့ တော်ရုံ မဟောင်းလွယ်ဘူးဟုဆိုကာ ပန်းချီ ဆိုးဆေးဘူးလို အကန့် လိုက်ထည့်ထားသော ကာလာဘူးတခု လက်ဆောင်ပေးလေသည်။ စိတ်ဝင်စားစရာကောင်းသားဟု နွေ သဘောကျမိသည်။ မိတ်ဆက်ပေးသော supplier က သယ်ယူပို့ ဆောင်ရေးအတွက် အိမ်အရောက် service ပေးသည်နှင့် နွေကျေနပ်စွာ အိမ်ပြန်ခဲ့ပါသည်။
x x x x x x x x x x x x x x x
ဘန်ကောက်က မှာယူထားသော ပစ္စည်းတွေ ပုံးများစွာနှင့် ရောက်လာတော့ အိမ်ထဲမှာ အကုန်ခင်းကျင်းဘို့ ဆိုတာ အဆင်မပြေ။ သင့်တော်သလောက် ထုတ်ကာ ပြင်ဆင်ရသည်။
ပစ္စည်းတွေ ဖောက်ရင်း အိမ်တွင်လာကူသော ဝမ်းကွဲညီမငယ်လေးက အလန့် တကြား ထအော်သည်။ အပြေးအလွှားကြည့်တော့ စက္ကူပုံးကို လက်ညိုးထိုးပြသည်။
ဝါဝင်းသော အသားအရည်ရောင် ကျောလည်ခန့် ရှိသည့် ရွှေညိုရောင်ဆံပင်တွေ ဝဲဖြာကျနေသည့် မိန်းကလေးရုပ်တခုက စက္ကူပုံးထဲတွင် ပုဆစ်တုပ်ကာ ခေါင်းငုံ့ လျှက် အနေအထားနှင့်။ ညီမငယ်လေးက လူတယောက်လို ထင်မိရင်း လန့်  အော်မိတာဖြစ်သည်။
"သတ္တိခဲမ"
နွေက မျက်စောင်းခဲကာ ရယ်မောရင်း အရုပ်မလေးကို အသာအယာ ထုတ်သည်။ အလွန်တရာ ပြေပြစ်လှပသော အရုပ်မလေးပေ။ နှုတ်ခမ်းမဟ တဟ။ ရှေ့ တည့်တည့်ကို ကြည့်နေသည့် အကြည့်တစုံက နုနယ်ပျိုမြစ် သန့် ရှင်းသည့် ဆယ်ကျော်သက် မိန်းကလေးတစ်ယောက်ပုံစံ။
ပန်ကာလေ အဝှေ့ မှာ အရုပ်မလေး နောက်ကျောက ဆံပင်တချို့  ရှေ့ ဘက်လွင့်ကျလာသည်။ အသားက ဖယောင်းတင်ထားသလို အပေါ်ယံမာနေသော်လည်း ဖိကိုင်ကြည့်ရင် ပျော့ပျောင်းသည်။
"အမလေး။ လှလိုက်တာ အမေရယ်။ ဒီမှာကြည့်ပါဦး။ "
အမေက အနားလာ စေ့စေ့ကြည့်ကာ အေးဟယ် တခွန်းသာ ထွက်လာသည်။ နောက်မှ
" ဆိုင်ရှင်အဟောင်းက တော်တော်ရိုသေပုံရတယ်အေ့။ ဆံပင်ကလဲ အရုပ်မ ဆံပင်သာပြောတယ်။ ရှန်ပူနံ့  မွှေးလို့ အေ။ အရင်ဝယ်တဲ့ အရုပ်တွေလို ကိုယ်လုံးတီး မလာဘူး။ ရှင်မီးအင်္ကျီနဲ့  စကပ်နဲ့  ။ ဟန်ကျ ပန်ကျ အေ"
ညီမငယ်က "ဒီမှာ လက်မောင်းမှာ တက်တူးကပါသေး။ ဘာတဲ့။ Helen .. ဟယ်လန်တဲ့ အမရဲ့။ ဟုတ်ပါ့ လှလိုက်တာ"
တယောက်တပေါက် ချီးမွမ်းကြရင်း ထိုအရုပ်မလေးကို ဟယ်လန် ဟု အမည်တပ်ကာ အိမ်ရှေ့ မှန်ခန်းကလေးကို ပုံမှန်ရိုးရိုး ကိုယ်ဟန်ပြသည့် အရုပ်မတွေ ထားသည်မှ အထက်တန်ကျ ပျိုမြစ်သည့် မိန်းကလေးတစ်ယောက် ထိုင်သည့် ဧည့်ခန်းပုံစံမျိုး ပြင်ဆင်လိုက်ကြသည်။
ကြက်သွေးရောင် ကော်ဇောခင်း ။ ဆိုဖာတခုချ။ အနက်ရောင် ဖဲစရှည်ကြီးကို ခင်းကာ ခရစ်စတယ်တုံးလေးတွေ ချ။ ခရမ်းရောင် ညနေခင်းဝတ်စုံ နှင့် ဒူးချိတ်ကာ ထိုင်ရင်း လှမ်းမျှော်ကြည့်နေဟန် မိန်းမပျို၏ အလှက ထူထဲ ထည်ဝါသော လိုက်ကာရှည်ကြီးခြံရံလျှက် ရှူမငြီးလွန်းလှသည်။
ညနေစောင်းတော့လဲ မမှိန်လွန်း မလင်းလွန်းသော  spot light များကြား အလှကြီး လှလျှက် ဆိုင်ရှေ့ ဖြတ်သွားဖြတ်လာဟူသမျှ၏ အကြည့်ပေါင်းများစွာကို သိမ်းကြုံးယူသည့် အပြင် ၃-၄ နာရီအတွင်းသူမဝတ်ထားသည့် ညနေခင်း ဝတ်စုံပုံစံအပါအဝင် ဆယ်ထည်မျှ ရောင်းလိုက်ရသည်။
အမေရော ညီမငယ်တွေရော နွေကိုယ်တိုင်ရော အလွန်ပျော်ကြသည်။ အိမ်နောက်ဖေးတွင် အမေ ချက်ကျွေးသော ညစာ ဆူဆူညံညံစားသည်ကို ခန ထားခဲ့ရင်း လင်းလဲ့လဲ့ မီးရောင်အောက်က အပြင်အဆင်ကို လာကြည့်သည်။ ဟယ်လန့်  မျက်တောင်ညိုတွေက ခေါင်းငဲ့ထားရာဆီ စင်းကျလျှက် အိမ်တံခါးဝဆီမှ လေတိုက်တိုင်း သဲ့သဲ့လှုပ်သည့် ခေါင်းလောင်းသံလေးတွေ နားထောင်ရင်း ပြုံးတော့မလို။
ကိုယ့်အတွေးနှင့်ကိုယ် ရီချင်သွားသော နွေသည် အပြုံးကို သိမ်းရင်း အိမ်ထဲ ပြန်ဝင်ခဲ့သည်။ ထိုည သူမ၏ အိပ်မက်ထဲတွင် ဟယ်လန်သည် ဆိုဖာပေါ်တွင် ထိုင်နေရာမှ သူမကို ဖြေးညှင်းစွာ လှည့်ကြည့်ပြီး ပြုံးပြသည်ဟု အိပ်မက် မက်လေသည်။
x x x x x x x x x x x x x x x
သည်အတောအတွင်းရက်တွေမှာ မိသားစု အားလုံး အလုပ်ရှုပ်သည်။ နယ်မှ အမျိုးတွေ ဆေးခန်းလာပြကြသောကြောင့် အိမ်တွင်တည်းကြသည်။ ဒေါ်လေး သမီး မိန်းကလေးက ရောက်ပြီး တည မှာ နွေ့ ကို လာပြောသည်။
"အမ အရုပ်က ကျွန်မ ကို ကြည့်နေတယ်။"
နွေ ရယ်နေသောအခါ " ဟုတ်တယ် မမရဲ့ ။ မနေ့ ညနေက သူ့ ကို အဝတ်လဲပြီး အထဲမှာ ပြန်ထားတော့ ကျွန်မ မှန်ခန်းထဲ လိုက်ဝင်ကြည့်တာ။ ဟိုစားပွဲသေးသေးလေးပေါ်က မှန်လေးက လှလို့  ကိုင်ကြည့်မိတယ်။ သူက ကျွန်မ ကို မှန်ထဲက စိုက်ကြည့်နေတယ်။"
 "တောက်တီးတောက်တဲ့ ညီမ ရယ်"
"တကယ် မမနွေ... သူ့ အကြည့်က စိတ်ဆိုးသလိုမျိုး"
 အမေက အမျိုးတွေလဲဆုံ။ အဘွားဆုံးသွားသော လ လဲဖြစ်သဖြင့် အဘွားအတွက် ရည်စူး၍ အိမ်မှာ အလှူကလေး တခုလုပ်မည်ပြောသောအခါ အလှူအတွက် သိမ်းသင့်တာ သိမ်းကြ ပြင်ဆင်ရတော့သည်။ ဟယ်လန် နှင့် အတူ အားလုံးသော အရုပ်များ အထည်လိပ်များ အထည်များ ပစ္စည်းများနှင့် ခုံတချို့ ကို အခန်းငယ်လေး တခုတွင် ထည့်သိမ်းရသည်။
ညနေစောင်းတော့ တမြို့ တည်းနေပြီး မတွေ့ တာကြာသော မိတ်ဆွေဟောင်း အချို့ နှင့် ဆွေမျိုးများပါရောက်လာသည်။ သူမ မုန့် ပွဲပြင်နေသော မီးဖိုချောင်ထဲ ရောက်လာသော အန်တီ တစ်ယောက်ကပြောသည်။
"ဟို အခန်းရှေ့ မယ်ထိုင်နေတဲ့ ကလေးမ က နွေနွေတို့ ဧည့်သည်လား။ လှလိုက်တာ မှုံလို့ "
 "ဘယ်သူလဲ အန်တီ ရဲ့"
အိမ်ရှေ့  နှစ်ယောက် အတူ ထွက်လာရင်း မေးတော့
"ခုန တင် ဒီနား ထိုင်နေတဲ့ ကလေးမလေ"
နွေ့ ညီမ ဝမ်းကွဲတွေက အများသား။ အားလုံး သက်တူရွယ်တူ ၂၀ ဝန်းကျင် အပြိုင်းအရိုင်း အရွယ်ရောက်လာသူများဖြစ်၍ ငယ်ဂုဏ်ငယ်သွေးပါ ပေါင်းကာ လှကြသည်။
"နွေ့ ညီမတွေပဲ  အန်တီရယ် လှမှာပေါ့"
နွေက အရွှန်းဖောက်တော့ အန်တီက ခေါင်းခါသည်။ နွေ့ ညီမတွေအားလုံး အန်တီ့ အမျိုးချည်းပဲ အန်တီသိရမှာပေါ့။
အန်တီပြောတဲ့တယောက် ဘယ်သူမှန်းမသိတာနှင့် အလှူအလုပ်တွေ ဆက်လုပ်နေခဲ့သည်။
x x x x x x x x x x x x
နာရီကြည့်လိုက်တော့ မနက် ၂နာရီ။ သူမကြည်ကြည်လင်လင် အိပ်ယာနိုးလာသည်။ အခန်းရှေ့ က တစ်စုံတစ်ယောက် ငြင်ငြင်သာသာ ဖြတ်လျှောက်သွားပြီး တခါးပိတ်သံ တိုးတိုး ကြားလိုက်သည်။ နွေ တို့ အိမ်တွင် ညည့်နက်သန်းခေါင်ထိ ရုပ်ရှင်ကြည့်တတ်ကြသည့် ကလေးမ များရှိတတ်သည့် အတွက် ထိုအရာသည် ဘာမှ မထူးခြား။
အသာအယာပင် အခန်းပြင်ဘက်ထွက်ခဲ့သည်။ ပစ္စည်းများသိမ်းသည့် အခန်းရှေ့ ကအဖြတ် အနည်းငယ် ပွင့်ဟနေသည့် တခါးမှ အတွင်းသို့ လှမ်းမြင်လိုက်ရသည်။ တခါးဖွင့်ပြီး အခန်းတွင်းသို့  နွေ ဝင်လိုက်သည်။ အခန်းထဲတွင် မီးဖွင့်မထား။ လမ်းမီးတိုင်မှ မီးရောင်သာ မှန်ပြူတင်းမှ ကန့် လန့် ဖြတ် ကျရောက်နေသည်။ အခန်းတွင်းတွင် တစုံတယောက် မတ်တပ်ရပ်ကာ နွေ့ ကို စောင့်ဆိုင်းနေဟန်ရှိသည်။ အနည်းငယ် ရှေ့ တိုး ကြည့်တော့ ဟယ်လန်။
ညှိုးငယ်နေသည့် မျက်နှာလေးနှင့် နွေ့ ကို ကြည့်နေရှာသည်။ ပြီးတော့ သူမ လက်ဖဝါးတွေကို အသာအယာ ဖြည်းညင်းစွာ ဖြန့် ပြသည်။ နွေက သူမ လက်ဖဝါးတွေ ဆွဲယူကာ ကြည့်လိုက်တော့....
နွေ အိပ်ယာပေါ်တွင် ထိုင်မိလျှက်သား နိုးလာသည်။ ခုန က အရာသည် အိပ်မက်သာဖြစ်ကြောင်း ချက်ချင်း သတိရလိုက်သည်။ နာရီကြည့်လိုက်မိတော့ မနက် ၅ နာရီကျော်ပြီ။ အမေ ဆွမ်းကပ်နေသံကြားရသည်။
 သူမ ကပျာကယာ အိပ်ယာထကာ ပစ္စည်းများ သိမ်းသည့် အခန်းထဲ ဝင်ခဲ့သည်။ အလှူ ပြီးတာ တပါတ်လောက်ရှိပြီဖြစ်သော်လဲ designer ရက်တို သင်တန်းကို မိုးလင်း မိုးချုပ်တက်နေသည့် အတွက် ဘာမျှ နေရာတကျ ပြန်မထားရသေး။ store ခန်းလေးထဲ ဝင်လိုက်လျှင်ပင် ဟယ်လန့် ကို အဝတ်လိပ်ကြီးများ နောက်တွင် ထောင်လျှက်သား တွေ့ သည်။ အလျှင်အမြန်ပင် ဟယ်လန့်  ဆီလျှောက်သွားကာ ဟယ်လန့်  လက်ဖဝါး များကို ဆွဲယူကြည့်လိုက်မိသည်။ လက္ခဏာ အရေးအကြောင်းများ အပြည့်အစုံ ဟယ်လန့်  လက်ဖဝါး နှစ်ဘက်တွင်ရှိသည်။
သူမ နှလုံးသားသည် လည်ချောင်းဆီမှ ခုန်ပေါက်ထွက်တော့မလို ။ ဟယ်လန်ကတော့ အမှောင်ရေးရေးထဲတွင် ဖရိုဖရဲ ဆံနွယ်များကြားမှ ညှိုးငယ်စွာ ငေးကြည့်နေသယောင်။
ဟယ်လန်သည် ဖြုတ်၍ တပ်၍ရသော အရုပ်ကလေး တခုဖြစ်သည်။ သူမ ကို ထိကြည့်လျှင် ရာဘာလိုလဲ ပျော့အိမနေ။ သစ်သားထည် သံထည်လိုလဲ မာကျောမနေသော material တခုဖြင့် တည်ဆောက်ထားသည်။ ခါးလည်ခန့် ဆံပင်တွေကတော့ ဆံပင်အစစ်တွေထက် လှပသည်။ မြင်းမီးများ ဖြစ်နေမလားလို့  သူမတွေးဘူးသည်။ လက်ခဏာ အပြည့်အစုံပါသော လက်ဖဝါး နှစ်ဘက် နှင့် ။ ပြီးတော့ ငေးငေး ရီရီ ဗာဒန်စေ့ မျက်ဝန်း များသည် သူ့ ရှေ့ က ဖြတ်သွားသူတွေ သို့ မဟုတ် ဆိုင်အတွင်း ဝင်လာသူတွေကို ကြည့်နေသယောင်က တခြား အရုပ်တွေထက် ထူးခြားသည်။
 အစွဲအလမ်းဆိုဆို သူမ သည် ဟယ်လန့်  ကို အခြားအရုပ်များထက် အရေးတယူ ထားသည်။ မိသားစုဝင် တစ်ယောက်လို သဘောထားကာ နေရောင်မကျအောင် လေမတိုက်အောင် အရိပ်တကြည့်ကြည့်ထားသည်။ အင်္ကျီ ပုံစံ အသစ် လဲသည့်အခါများတွင်ပင် မိန်းကလေးတစ်ယောက်လဲသလို အခန်းတွင်းတွင် ကရုတစိုက်လဲပေးသည်။ အရုပ်များအားလုံး သုံး-လေးလ တခါ ခေါင်းလျှော်ပြီး ဆေးရောင်အသစ်ပြန်တင်ပေးသည်။
သို့ သော်လည်း မှုံမှိုင်းမှိုင်း ဟယ်လန့် ကို အိပ်မက်ထဲတွင် နောက်တကြိမ် ဆုံဆဲပင်။ နောက်တနေ့  ညနေစာ စားအပြီး ယုတ်တိမရှိနိုင်ရာသော အလုပ်တခု သူမ လုပ်ခဲ့သည်။ ဆိုင်သိမ်းကာနီး ဟယ်လန် အနားသို့  လျှောက်သွားရင်း တီးတိုး စကား မေးလိုက်သည်။
" နင်မပျော်ဘူးလား ဟယ်လန်။ ငါ့ကို တခုခုပြောလေ"
ည မီးရောင် မလင်းတလင်းတွင် ဟယ်လန့် မျက်ဝန်းများသည် ငေးစင်းရင်း ။  ခန နေတော့ သူမ ကွန်ပြူ တာရှေ့ တွင် ထိုင်ကာ ဆွဲလက်စ ဒီဇိုင်းတခု အချောသတ်နေမိသည်။ အပြင်တွင် မိုးတစိမ့်စိမ့်ရွာနေသည်။ ကော်ဖီပူပူ တခွက် ထ ဖျော်ပြီး ပြန်ထိုင်ကာ အရောင်စပ်ပုံအကြောင်းရေးထားသည့် စာတမ်းတခု ဖတ်ဖြစ်ပြီး  စိတ်ဝင်တစား မျောပါသွားမိသည်။
သူမ လက်ချောင်းများက wireless mouse ပေါ်တွင်သာ တင်ထားရင် ကွန်ပြူတာ စခရင်ပေါ်မှ စာရွက်များကို mouse မှ ဘီးလုံးကလေးဖြင့် အသာအယာဆွဲချနေခြင်းသည်သာ လှုပ်ရှားမှု တခုအဖြစ်ရှိနေသည်။ သူမ မျက်နှာရှေ့ မှ အပြာရောင် LED လေး တခု ပေါ်လိုက် ပျောက်လိုက် ဖြစ်နေတော့မှ သူမ ငုံ့ ကြည့်လိုက်သည်။
Caps Lock LED လေးက ဖွင့်လိုက်ပိတ်လိုက်နှင့်။ Caps Lock ကို ယောင်၍မျှတောင် မထိပဲနဲ့  ။ သူမ နှစ်ချက် သုံးချက် caps lock key ကို နှိပ်လိုက်သည်။ မှိတ်တုတ် မှိတ်တုတ် LED သည် ရပ်သွားသည်။ ခနမျှ အညောင်းဆန့် ကာ ကော်ဖီသောက်မည်ဟု လက်ဆန့် လိုက်သည်တွင် ကော်ဖီပန်းကန်ဆီ မထိရသေးချိန် ကော်ဖီပန်းကန်က မှောက်သွားသည်။ သူမ ကြောင်ကြောင်အအ ငေးရင်း အသိစိတ်က လူကို မပိုင်စိုးနိုင်သေးခင် ရေရွတ်လိုက်မိသည်။
"ဟယ်လန်... နင်လား"
အိမ်မြှောင် စုတ်ထိုးသံက တခန်းလုံး အနှံ့ ။ သူမ စိတ်ရှည်စွာ စိတ်အားထက်သန်စွာ ငြိမ်ငြိမ်သက်သက် စောင့်သည်။ ညနက်သည်ထက်နက် ပြီးနောက် မနက်အလင်းရောက်သည့်ထိအောင် ဟယ်လန် ပြန်မလာခဲ့ပေ။
"မမရေ... " ညနေစောင်း ညီမငယ်တယောက် အော်လိုက်သံက ရေချိုးပြီးစ ဆံပင်တွေ ကရုတစိုက်သုတ်နေသည့် နွေ့ ကို တုန်သွားစေသည်။ နွေတို့ လမ်းထဲမှာ ပွဲတခုအတွက် ပြင်ဆင်နေချိန်ဖြစ်၍ လျှပ်စစ်မီး ခန ဖြတ်ကာ မီးပွင့် မီးလုံးတို့ သွယ်တန်းနေ၍ မှောင်ရိပ်ကျနေသည်။
"ဘာဖြစ်တာလဲ ဘာဖြစ်တာလဲ" သူမ အသံ ကြားရာသို့  ပြေးခဲ့သည်။ ညီမငယ်က မျက်လုံးအပြူးသား ရှိုက်သံတဝက်နဲ့ 
"အဲဒီအရုပ်မ ကျွန်မကို နောက်က ဆံပင်ဆွဲတယ်.. ပြီးတော့ တံခါးပေါင်ပေါ် တင်ထားတဲ့ ကိုက်တံ (ပေတံအရှည်) နဲ့  ကျမ ကျောကို ရိုက်တယ်။ မမ အရုပ်က သရဲပူးနေတာ။"
"ညည်းက ဘာလုပ်နေတာတုန်း"
 ဖယောင်းတိုင် မီးတဘက်နှင့် ညီမငယ်က " အမေကြီးက အိမ်ရှေ့ မှာ တင်ထားခဲ့တဲ့ အင်္ကျီယူခိုင်းလို့  လာရှာတာလေ... အမ အရုပ်က အဲဒါ ...."
"တော်တော့။ ဘာတွေ ပြောနေကြတာလဲ.. ဟိုတယောက်ကလဲ ပေါကြောင်ကြောင်နဲ့ ။ အရုပ်မ က ရိုက်စရာလား။ အင်္ကျီရရင် သွားတော့"
နှုတ်ဆိတ် ထွက်သွားတော့ ဟယ်လန့်  လက်ကို တယ်လီဖုန်း မီးရောင်အောက်မှာ ဖြန့် ကြည့်သည်။ သူမ လက်ဖဝါးတွင် ဆံပင်စ တချို့  ။ နွေ မျက်ခုံးတွေ တွန့် ချိုးကာ အိမ်ထဲ ပြန်ဝင်ခဲ့သည်။
ထိုအတောအတွင်းများတွင် နွေ နှင့် အမေ သည် တစ်ယောက်ကို တစ်ယောက် ဟယ်လန့်  အကြောင်း ဖုံးကွယ်ထားခဲ့ကြသည်။ နောက်မှ သိခဲ့ရခြင်းမှာ နွေ က အမေထိတ်လန့် မှာစိုး၍ ဘာမှ မထူးခြားသလို နေသလို အမေကလဲ တခွန်းမှ မပြောပေ။ အဖြစ်အပျက်တခု မတိုင်ခင်အထိပင်။
 အဲဒီနေ့ က ရပ်ကွက်ထဲတွင် လှည့်ပြီး တောင်းရမ်းနေသည့် စိတ်မနှံ့ သည့် အမျိုးသမီးတစ်ယောက် ရောက်လာလေသည်။
"ဟဲ့ အိမ်ကြီးရှင်များရေ... ငါ့ကို ဆန်လေး တတင်း နှစ်တင်းလောက် ပေးစမ်းပါနော်"
အသံနှင့်အတူ စုံစီနဖာပေါင်းစုံပါသည့် ဆွဲခြင်းကြီး ဆွဲလျှက် အိမ်အတက်အဆင်းတွင် ဝင်ထိုင်လိုက်သည့် အမျိုးသမီးအရွယ်လတ်ပိုင်း တစ်ယောက်။ အရင်ကတော့ ကောင်းရောင်း ကောင်းဝယ် ဈေးတွင် အသီးအနှံလေး ရာသီပေါ် စာလေးတွေ ရောင်းသည့် ထို အမျိုးသမီးသည် ဘယ်လိုဖြစ်ကာ စိတ်နောက်သွားသည် မသိ။ လူကတော့ သပ်သပ်ရပ်ရပ်ပင် ဝတ်စားကာ သူတနေ့ စာ အသက်ရှင်ရုံ တောင်းရမ်းစားသောက်ရင်း တုံနှိဘာဝေ ငေးတိငေးမောဖြင့် ဘဝကို ဖြတ်သန်းနေလေသည်။
အမေက ဆန်နို့ ဆီဘူး တစ်လုံးထည့်ထားသော အိတ်ကလေးကို မသဇင်ဆီ ကမ်းပေးလိုက်သည်။
"အထဲမှာ ထိုင်ပါ။ မသဇင်ရဲ့။ အပြင်က မိုးက စိုစွတ်စွတ်နဲ့  "
မသဇင်က ဆန်အိတ်ကလေးကို ခပ်ဖြည်းဖြည်းလေးလေး လှမ်းယူရင်း ပြန်ထွက်သွားရန် မတ်တပ်ရပ်သည်။ ထို့ နောက် ဟယ်လန့် ထံ အချိန်ကြာမြင့်စွာ ငေးကြည့်ကာ ပြန်ထွက်သွားလေသည်။ တစ်ပါတ်လျှင် နှစ်ကြိမ် မျှ လောက်တော့ မသဇင် ရောက်လာတတ်သည်။
ရောက်လာတိုင်း ဟယ်လန့် ဆီ ငေးကာ တခါတခါ ပြုံးသလိုလို မျက်နှာပေး တခါတခါ မျက်မှောင်ကြုံ့ ကာနှင့် ။
x x x x x x x x x x x x

အန်တီ့ အလန့် တကြားအော်သံကြောင့် အတူ အိမ်ပေါ်တက်လာရင်း လန့် သွားရသည်။ အန်တီက ဟယ်လန့် ကို လက်ညှိူး တထိုးထိုး။
"အဲဒါ အရုပ်မ လား နွေ..."
"ဟုတ်တယ်လေ... အန်တီ... လန့် လိုက်တာ"
" ဟိုတခါ အလှူတုန်းက အိမ်ရှေ့ မှာ ပြုံးပြုံးလေးထိုင်နေတဲ့ ကောင်မလေးက သူလေ... ငါမမှားပါဘူး"
နွေ သက်ပြင်းသာ ချရင်း ဘာမှ ပြန်မပြောတော့။
တကယ်ပဲ ဟယ်လန် သည် တခုခု ပူးဝင်နေသည်လား။

x x x x x x x x x x x x

 ရာသီဥတု စိုစိုစွတ်စွတ်နှင့်ကြောင့် ထိုနေ့ ညမှာတော့ သူမတို့  စောစောအိပ်ယာဝင်ကြသည်။ တစုံတခု ကျကွဲသံကြောင့် သူမ လန့် နိုးလာခဲ့သည်။ သူမ အခန်းပြင်ထွက်ခဲ့တော့ အမေနှင့် ညီမငယ်တယောက်ပါ အပြင်ရောက်နှင့်နေကြပြီ။
အသံကြားရာ ဆီ လာခဲ့ကြတော့ အိမ်ရှေ့ ခန်းတွင် လူတစ်ယောက် ညည်းညူ ရင်း လဲကျနေလေသည်။ ဟယ်လန် နှင့် တခြားအရုပ်များထားရာ မှန်အိမ်သည် ကွဲအက်လျှက်ရှိသည်ကို လမ်းမီးမှ မြင်ရသည်။ သူမတို့  အပြေးအလွှား မီးဖွင့်ကြ။
နီးစပ်ရာ တုတ်တွေ ကိုင်ဆွဲရင်း လဲကျနေသူဆီရောက်သွားတော့ ချဉ်စူးစူးအရက်နံ့ နှင့်အတူ သူမတို့  မသိသည့် တစိမ်းတစ်ယောက်သည် ကြမ်းပြင်ပေါ်တွင် ညည်းညူလျှက်။ ထိုသူ၏ ဘေးတွင် ပြန့် ကျဲလျှက်ရှိသည်က ဟယ်လန်တို့  အရုပ်မများ အလှဆင်လျှင် ဝတ်ဆင်လေ့ရှိသည့် ဘရက် တန်ဆာ များ နှင့် ထည့်သည့်ဘူး။
ညနေကမှ ရောက်သည့် အထည်သစ်အိတ်တအိတ်က အိမ်အပြင်သို့ ပင် ရောက်နေပြီ။
 သူမတို့  ရဲကို ဖုန်းဆက်ခေါ် ။ အိမ်နီးချင်းတွေ ရောက်လာသည်အထိ ထိုသူသည် ပါးစပ်မှ ဗလုံးဗထွေးပြောရင်း မျက်နှာကို လက်တစ်ဘက်နှင့်ကွယ် လက်တစ်ဘက်ကလဲ ဗိုက်ဆီသို့  အုပ်ထားသည်။
 ရဲရောက်လာသည့်အခါတွင် စစ်ဆေးပြီး အိမ်အတွင်းသို့  ခိုးဝင်သည့် အရက်သမားတစ်ယောက် ပစ္စည်းခိုးယူရင်းက စားပွဲစွန်းနှင့် တိုက်မိရာမှ အရှိန်လွန်ကာ မှန်ပြူ တင်းကို ခေါင်းနှင့်ရိုက်ခွဲမိသည်ဆိုကာ ခေါ်ယူသွားလေသည်။
 ပြသနာတွေ ပြီးသွား၍ ခြံတံခါး နိမ့်နိမ့်လေးကို ပိတ်ကာနီးမှ အိမ်ရှေ့ မျက်နှာချင်းဆိုင်မှ ခေါက်ဆွဲဆိုင်တွင် ထိုင်နေသည့် မသဇင်ကို မြင်လေသည်။
သူမက မသဇင်ကို "အိမ်ပြန်တော့လေ မသဇင်" ဟု နှုတ်ဆက်သည့် အခါ မသဇင်သည် သူမ ရှိရာသို့  အသာအယာ လျှောက်လာလေသည်။ ခြံတခါးတင်ထားသည့် သူမ လက်တွေကို မသဇင်က တင်းကျပ်စွာ ဆုပ်ကိုင်ရင်း
"ငါ အကုန်မြင်တယ်။ ငါဒီထဲမှာ အိပ်နေတာ ကြာပြီ။ ဟိုကောင်က ဒီ ပြူ တင်းပေါက်ကတက်လာတာ။"
မသဇင်ပြောသော ပြူတင်းပေါက်သည် ကိုယ်ဟန်ပြ အရုပ်များထားသည့် မှန်အိမ်ဘေး က ပြူတင်းပေါက်ဖြစ်သည်။ ထို့ နောက် ဟယ်လန့် ကို လက်ညိုးထိုးရင်း
"အဲဒီကောင် အထုတ်ကို ပစ်ချပြီး နောက်ထပ်တခုကို ယူမလို့  ဟောဟို အခန်းထဲသွားတော့ ဟိုကောင်မက ပါးရိုက်လိုက်တာအေ့။ ပြီးတော့ တွန်းလိုက်တာ ဟိုကောင် စားပွဲပေါ် မှောက်ကျရော။ အဲဒါ တရွတ်ဆွဲလာပြီး အဲဒီမှန်ခန်းထဲက လွှင့်ပစ်တာမှာ မှန်က ကွဲရော ။ အဲဒီကောင်က နောက်ဘက် ထွက်ပြေးရင်း ချော်လဲတုန်း နင်တို့ ရောက်လာတာ။ ကောင်းတယ် အေးရော။"
အားတက်သရော ပြောနေသည့် မသဇင်ကို သူမ ကြောင်ကြည့်နေမိပြီး အိမ်ပေါ် အပြေးတက်ရန် အလှည့်တွင် အနောက်နား ကပ်ရပ်နေသည့် အမေ့ မျက်ဝန်းတို့ နှင့် ဆုံလေသည်။
"ဟယ်လန်"
ညီမငယ်များနှင့် အိမ်နီးချင်းများက လဲပြို ကျသွားခဲ့သည့် ဟယ်လန် နှင့် အခြားအရုပ်မများကို နေရာတကျ ပြင်ဆင်ပြီးနေပေပြီ။ သူမသည် ဟယ်လန့် ဘေး စားပွဲပုလေးပေါ်မှ ရတနာသေတ္တာပုံစံ decoration ဘူးလေးကို ကိုင်ကြည့်ရင်း
"သူတို့ ပြောတာ ဘယ်လောက်မှန်ပြီး ဘယ်လောက်မှားလဲတော့ ငါမသိဘူးပေါ့ ဟယ်လန်။ ဘာဖြစ်ဖြစ်ကျေးဇူးပါ"
တံခါးပိတ်ရင်း အိမ်ထဲဝင်လာသည့်အမေက " သမီး သိပြီးပြီဆိုလဲ အမေ အထွေအထူး မပြောတော့ဘူး။ ကြောက်မှာ စိုးလို့ မပြောမိတာ။ အိမ်က ကလေးမတွေကလဲ ပြောကြတယ်။ ဒီအရုပ်ဟာ ပုံမှန်မဟုတ်ဘူး။ တခါတခါ ညဘက် အိမ်ထဲ သွားနေတဲ့ မိန်းကလေးလိုမျိုးလဲ တွေ့ တယ်တဲ့။
အမေစဉ်းစားတာလေ့  မြို့ ထဲက shopping mall မှာ တနေရာစာလေးယူပြီး ဆိုင်ပြောင်းဖွင့်ပါလားသမီး။ အမေ့ သူငယ်ချင်းကလဲ ဆိုင်ခန်းငှားချင်နေတော့။ အဆင်ပြေမလားလို့ ရယ်ပါ"
နွေ ထွေထွေထူးထူး ပြန်မမေးတော့။ နွေ့ စိတ်ထဲမှာလဲ ဒီလိုပဲ ခံစားနေရသည်။
အဲဒီနောက်ပိုင်း shopping mall ဆီ နွေတို့ ပြောင်းရွှေ့ ခဲ့လေသည်။  ဟယ်လန်ပျော်ပိုက်သည်ဟု ထင်ရသည်။ အတည်မပြုနိုင်သော သတင်းများအရ ရွှေညိုရောင် ဆံပင်ရှည်နှင့် လှပပြေပြစ်သော မိန်းကလေးတစ်ယောက်ကို ထိုshopping mall ပိတ်ချိန် ညအချိန်များတွင် ရိုးရိုးရိပ်ရိပ် မြင်တွေ့ ရသည်ဟူ၍။
သတင်းကြားပြီး နောက်တနေ့ ဆိုင်ရောက်သည့်အခါ သူမသည် အင်္ကျီ sample များ ရွေးချယ်လဲလှယ်ပေးရင်း ဒီညတွေ သိပ်ပျော်တယ်မလား မိဟယ်လန် ဟု တီးတိုး စနောက် ဖြစ်သည်။
 ဟယ်လန့် ကိုနောက်တကြိမ် သူမ ထပ်ဆုံရသည်။ ဒီတခါတော့ အပြင်မှာ ဆုံရခြင်းဖြစ်သည်။ ဟယ်လန်သည် ရှုပ်ထွေးသည့် ချည်ကြိုးတလုံး ဖြစ်သည်။ ရေထဲမှ အရိပ်တခုလိုလဲထင်ရသည်။ ထိတွေ့ ကိုယ်တွယ်မရသည့် ပန်းချီကားတခုနှင့်လဲ တူလေသည်။

x x x x x x x x x x x x

ကမ္ဘာကြီးက ပိုပြီးပဲ ကျဉ်းလာသလား ရေစက်လို့ ပြောရမလား။ သူမ သည် ထိုင်း-မလေးရှား နယ်စပ်ရှိ ဘီးထုံ ဆိုသည့် မြို့ ကလေးသို့  မလေးရှားနိုင်ငံ ပီနန်မြို့ သို့  အလည်သွားရာမှ တဆင့် ရောက်ရှိခဲ့သည်။
တရုတ်သွေးရောစပ်သည့် ထိုင်းလူမျိုး မိတ်ဆွေ၏ အိမ်သို့  အလည်ရောက်ချိန်တွင် ဘယ်လိုမှ မထင်မှတ်ထားစွာ အိမ်ဧည့်ခန်းအတွင်းရှိ မိသားစု ဓါတ်ပုံတွင် ဟယ်လန့် ကို မြင်လိုက်ရသည်။
"ဟယ်လန်"
သူမ၏ တိုးတိမ်တိမ်ရေရွတ်သံက သူမတို့ ကို ဧည့်ခံနေသော သူငယ်ချင်း မိခင်ကို တကိုယ်လုံး တုန်သွားသည်အထိ စိတ်လှုပ်ရှားသွားစေနိုင်လေသည်။ စိတ်လှုပ်ရှားနေလွန်းသော မျက်ဝန်းတို့ ဖြင့် သူမကို စိုက်ကြည့်ပြီး မျက်ရည်များ သွင်သွင်စီးကျလာလေသည်။ သူမသည်လဲ အံ့သြလွန်း၍ မျက်တောင်များ တဖျတ်ဖျတ်ခတ်ရင်း အိပ်မက်လား လက်တွေ့ လားရယ်ဟု ကြိုးစား၍ လက်ရှိအချိန်ကို ဖမ်းဆုပ် တွေးဆ နေမိသည်။
 မိတ်ဆွေ အမျိုးသားက မိခင်ကို ဖေးမ ထားရင်း သူမ ကို မေးလေသည်။
"ဟယ်လန် က တို့ ညီမ အငယ်ဆုံးလေးလေ။ မင်းနဲ့  ဘယ်မှာ ဆုံခဲ့တာလဲ"
အခြေအနေက ကြောက်လန့် တကြားဖြစ်စရာ အဖြစ်အပျက်ကို အမှန်အတိုင်း ပြောနိုင်သည့် အချိန်မဟုတ်ကြောင်း သူမ တွက်ဆ မိသည်။
"တို့  ဘန်ကောက်မှာ ရှိတုန်းက fashion ဆိုင်တခုရဲ့ ပိုစတာမှာ တွေ့ ခဲ့တာပါ။ သူ့ ကို မော်ဒယ်တစ်ယောက်လို့  ထင်ပြီး သိပ်ချစ်စရာကောင်းလွန်းလို့  မှတ်မိနေခဲ့တာပါ"
ထိုအဖြေသည် လက်ရှိအခြေအနေကို ချိန်ဆရင်း ပင်ပန်းကြီးစွာ အားထုတ်လိုက်ရသော မုသား ဖြစ်လေသည်။ ဆွဲဆောင်မှု ကောင်းသော မော်ဒယ်တွေ ပေါများသည့် လောကကြီးမှာ မော်ဒယ်နှင့် နာမည် တွဲမှတ်မိနေရလောက်အောင် တော်ရုံ မှတ်ဥာဏ်မကောင်းနိုင်မှန်း လူတိုင်း ရိုးရိုးစင်းစင်းသိနိုင်မည် ဖြစ်သည်။
ရိုးသားသော အိမ်ရှင် မိသားစုကတော့ ထိုအရာကို ကရုမပြုမိကြ။  ဘွန် ဟုခေါ်သော သူမတို့  မိတ်ဆွေ အိမ်ရှင်သည် မျှော်လင့်ချက်တို့  ပျောက်ကွယ်သွားသယောင် ခေါင်းငိုက်စိုက်ကျနေလေသည်။ ထို့ နောက်တွင် ဘွန်က ညီမငယ်၏ ချစ်စဖွယ် ဓါတ်ပုံ တချို့ ကို သူမကို ပြလေသည်။
လွန်ခဲ့သော ၄ နှစ်ခန့် က ကွာလာလန်ပူတွင် မော်ဒယ်လုပ်မည်ဆိုကာ ထွက်ခွါသွားခဲ့သော။ ၂ နှစ်ခန့် အကြာ ရုတ်တရက် အဆက်အသွယ်ပြတ်တောက်ခဲ့သော မိန်းမဆိုးလေးသည် သူမ ဆိုင်ရှိ အရုပ်မလေးနှင့် တပုံစံတည်းပင်။ လက်မောင်းသားတို့ ဆီမှ တစွန်းတစ မြင်ရသည့် တက်တူးကလေးပင် တူနေသေးသည်။
ကျောလယ်ခန့်  ရွှေဝါရောင် ဆံပင်ရှည်များနှင့် အနက်ရောင် စကပ် ခပ်ကြပ်ကြပ် ဝတ်ထားသည့် မိန်းကလေးပုံကို ကြည့်ရင်း သူမ ခေါင်းတွေပူထူလာ အောင် လက်လှမ်းမီသ၍ စဉ်းစားနေမိသည်။
ဟယ်လန်သည် ဒီနေ့ ထိ အဖြေမသေချာသော ပုစ္ဆာတစ်ပုဒ်ဖြစ်ဆဲ။
နွေ သည် အိမ်ပြန်ရောက်တာနဲ့  ထိုကိစ္စကို အမေ့ကို ပြောသည်။ အမေက "မသဇင်လဲ ဟယ်လန့် အကြောင်းတွေ ပြောတယ်။ ဘာပြောမှန်း အမေမသိဘူး။ တယ်သနားစရာကောင်းတဲ့ လောကသားတွေရယ်ပါလား" လို့  သတိ စကား မြည်တမ်းသည်။ နွေ တယောက် မသဇင် ကို ကောက်ရိုးမျှင် လေးသဖွယ် မျှော်နေမိသည်။
"အိမ်ကြီးရှင်များရေ... ငါ့ကို ဆန်လေး တတင်း နှစ်တင်းလောက် ပေးစမ်းပါနော်" နေ့ လည်ခင်းတခုမှာ မသဇင် အသံ ကြားလိုက်ရသည်။ သူမ က အမေ အသင့်ထုတ်ထားတဲ့ ဆန်ထုတ် ကလေးယူရင်း မသဇင်ဆီ ထွက်ခဲ့သည်။
"မသဇင် အမေ့ကို ဟယ်လန့် အကြောင်းတွေ ပြောတယ်ဆို။ ကျမလဲ သိချင်တယ်။ ပြောပါဦး"
မသဇင်က ဆန်ထုတ်ကလေးကို ခြင်းထဲ သေသေချာချာ ထည့်ရင်းက " ငါ့ကို လေ ချစ်တယ်ပြောတယ်။ သူက သူက ... ငါ့ကို မခွဲချင်ဘူး ဘယ်သူမှ မပေးနိုင်ဘူး တသက်လုံး တယောက်တည်း သိမ်းထားမယ်တဲ့လေ... "
ညီမငယ်တစ်ယောက်က ရယ်မောရင်း မသဇင်ကို ဘယ်သူပြောသတုန်း... ခေါက်ဆွဲဆိုင်က လူပျိုကြီး က လား လို့  နောက်တာကို မသဇင် မကြား။ သနားစရာ မျက်နှာငယ်နဲ့  နွေ့ ကို မော်ကြည့်ရင်း ဆက်ပြောသည်။
"ငါက ဟယ်လန် ... ငါ့လက်မောင်းမှာ ငါ့နာမည်ရှိတယ်။ သူလေသူ.. ငါ့ချစ်သူ.. သူ့ လက်မောင်းမှာလဲ ငါ့နာမည်ရေးထားတယ်။ ငါ အကြောက်ဆုံးက ဖယောင်းအိုးကြီးပဲ... အကြီးကြီး ပြီးတော့ အရမ်းပူတယ်... ငါ့ကို ဖယောင်းအိုးထဲ ထည့်တယ်လေ..."
မသဇင် ပါးပေါ် မျက်ရည်တွေ ကျလာသည်။ ကြောက်ရွံ့ တကြားငိုသည်။ နွေကတော့ မလှုပ်မရှား ငေးကြည့်ရင်းးး.....

x x x x x x x x x x x x

ဟယ်လန့်  ရှုထောင့်စုံ ရိုက်ထားသော ဓါတ်ပုံနှင့် အရုပ်မလေးအဖြစ် နွေ့ လက်ထဲ ရောက်နေသည် ကို ဘွန့်  စီ email မှ စာရေးပို့ လိုက်သည်။ သိပ်မကြာသော သီတင်းပါတ်အတွင်း ဘွန် .. နွေတို့ မြို့ ကို ရောက်လာခဲ့သည်။ ကျောပိုးအိတ်ပင် မချနိုင်ပဲ ဟယ်လန့်  ခြေရင်းတွင် ဝမ်းပန်းတနည်း ငိုရှာသည်။
ဘွန်က ဟယ်လန့်  လက်သန်းလေး တဆစ်ကို တယုတယ အသာအယာ ဖြတ်တောက်ပြီး ဓါတ်ခွဲခန်းမှာ စစ်ဆေး အဖြေယူသည်။ ဓါတ်ခွဲခန်း အဖြေ စာအိတ်ကို ဘွန် တုန်တုန်ရီရီဖွင့်တော့ နွေလဲ ရင်တဆတ်ဆတ်တုန်နေခဲ့သည်။ အဖြေက ဖယောင်း ခဲသားနှင့် သတ္တုစပ်တမျိုး ရောစပ်ထားသော သက်ရှိတစ်ခုခု၏ တစ်ရှူး တခု တဲ့။
ဟယ်လန့်  လက်သန်းအဆစ်လေးကို နေရာတကျ ပြန် ကပ် တပ်နေသော ဘွန် မှာ အံတင်းတင်းကြိတ်ထားသည်။ ဟယ်လန့် ကို ငေးရင်း နွေ စဉ်းစားသည်။ ဟယ်လန်ဟာ အရှင်လတ်လတ်ပဲ ဖယောင်း စပ်ထားသည့် အိုးထဲ ပုံလောင်းခံရင်း အရုပ်ဈေးကွက်ထဲ ရောက်ခဲ့လေသလား။ ဟယ်လန့်  ခန္တာကိုယ် အစိတ်အပိုင်း အားလုံး လူမိန်းကလေး တယောက်လိုပင်။ ဘွန်က ဟယ်လန့် ကို အိမ်ခေါ်သွားပါရစေ ခွင့်တောင်းလာတော့ နွေ လက်ခံလိုက်သည်။
"ဘွန်... ယူသွားပါ။ ဟယ်လန်က ဘွန့် ညီမလေး ဖြစ်ခဲ့တာပဲ။ ဒါပေမဲ့ ဘွန့်  အမေ ကို ပြောသင့် မပြောသင့်တော့ ဘွန် စဉ်းစားပါလေ"
ဘွန် အိမ်ပြန်သွားပြီး ရက်သတ္တပါတ် အနည်းငယ်အကြာ email ပို့ လာသည်။ သင်္ဘော နှင့် ပို့ လိုက်သော ဟယ်လန့် ကို လက်ခံရပါသည်။ အမေ့ကို ဖွင့်မပြောဘို့  ဆုံးဖြတ်လိုက်ပြီး ဟယ်လန့် ကို သေသေချာချာ ဈာပန ပြုလုပ်ပေးမည် လို့  ရေးထားသည်။
နှစ်တွေ ကြာသည့်တိုင် နွေ ... ဒီအဖြစ်အပျက်တွေ မမေ့သေး... အကယ်၍ ရွှေညိုရောင် ရှည်ရှည်ဝဲဝဲ ဆံပင်များနှင့် မိန်းမလှ မော်ဒယ်အရုပ်လေးတစ်ရုပ် shopping mall မှန်ခန်းထဲမှ  စူးစူးငေးငေးကြည့်နေသည့်အခါ သနားစရာ ဟယ်လန့် လို လှုတ်လှုတ်ခတ်ခတ် ဝိဥာဏ်လေး တစ်ခု သူ့ နောက်ကွယ်မှာ ရှိကောင်း ရှိနေမလား  နွေ စဉ်းစားတတ်သည်။