ဖိုးလမင်းကို အောင်သွယ်ခိုင်းသူ

အခုတလော သူငယ်ချင်းက ခဏခဏ နားပူပါတယ် ။ ကျွန်မတို့ ငယ်ငယ်က အကြောင်းတွေ စားမြုံ့ပြန်ကြတိုင်း သူက ဟိုတစ ဒီတစ အမှတ်တရတွေကို အမှတ်ရသလောက် စုစည်းပေးပါတဲ့။ ကျွန်မကလဲ ဒီတလော တော်တော် အလုပ်များနေပါတယ်။ ကိုယ့် email တောင်ကိုယ် မှန်မှန်မစစ်နိုင်အောင်ကိုပါပဲ။ သူငယ်ချင်းမရဲ့ နားပူ စာတွေ များနေတာသိလဲ အေးပါ အကြိမ်ကြိမ်ပြောရင်း လနဲ့ ချီလာခဲ့ပြီ။
"ချစ်သူငယ်ချင်းများအတွက် အမှတ်တရပါ။"

၁၀နှစ်ကျော်ကြာက ဆောင်းညတွေ
ကျွန်မ အမှတ်မမှားဘူးဆိုလျှင် အဲဒီဆောင်းည တွေက လသာည တွေ ဖြစ်ခဲ့ပါလိမ့်မည်။ ကျွန်မတို့ သူငယ်ချင်းတွေ လိပ်ပြာလမ်း ကိုယ့်အဆောင်ရှေ့မှာ ဂစ်တာတီး သီချင်းဆို အရှေ့ဆောင် က အဆောင်သားသစ်တွေ ဝရံတာမှာ မီးမှိတ်လို့  ကျွန်မတို့ လက်စွမ်းပြချက်ကို တိတ်တိတ်လေး အားပေးကြတာ လရောင်အောက်မှာ အားတက်ဖွယ် ခပ်ဝါးဝါးတွေ့ ရသည်။ အဆောင်ရှင် အဖိုး နဲ့  အဖွားက ည ၈ နာရီ အဆောင်ထဲမှာ လူစုံရင် စိတ်အေး စိတ်ချပြီး ကျွန်မတို့  သီချင်းဆိုတာ ဂစ်တာတီးတာ ပြဇာတ်ကတာ ညဥ့်လွဲသန်းကောင် ချက်ပြုတ်စားသောက်ကြတာ ဘာတခွန်းမှ မဆိုပဲ ပြုံးပြုံးရွှင်ရွှင် စောင့်ကြည့်ပေးရုံသာ။ သီချင်းဆိုစရာ စာအုပ်တွေ ကုန်သွားရင် ကြယ်ရောင် လရောင် မှိန်မှိန် နှင်းငွေ့ သည်းသည်းအောက် မြက်ခင်းပေါ်ထိုင်ရင်း ရောက်တတ်ရာရာဆိုကြသည်။ ကျွန်မတို့ စကားဝိုင်းတွင် ကျွန်မတို့  အိပ်မက် ကျွန်မတို့ လက်လှမ်းမမီသေးပေမဲ့ လူကြိုက်များသည့် နည်းပညာ အကြောင်းများ ကျောင်းက သူငယ်ချင်းတွေ အဖြစ်အပျက်တွေ ကိုယ်တိတ်တခိုး သဘောကျမိတဲ့သူတွေ ကဗျာများ သီချင်းများ ရုပ်ရှင်.... ကြယ်တွေ လတွေ  ဥက္ကာပျံ... ဥက္ကာပျံမျက်နှာပြင်က မုန့် စိမ်းပေါင်းနဲ့ တူတယ် က စလို့  အစားအစာ ဟင်းလျာတွေ.. ပြောရင်းဆိုရင်းဗိုက်ဆာလာလို့  စကားဝိုင်း က ထလို့  ခေါက်ဆွဲပြုတ်ရင်ပဲ ဖြစ်ဖြစ် အပြင်ခြံစည်းရိုးက ကျောင်းသားတစ်ယောက်ယောက်က ကားကြီးဝန်းထဲက ထမင်းကြော်သုတ် မှာဦးမလားလို့  လှမ်းမေးရင်ပဲဖြစ်ဖြစ် မနက်လေးနာရီတော့ ရှိတတ်ပြီ။
ထူးခြားတာက ကျွန်မတို့ တဖွဲ့ လုံး စာမကျက်ချင် စာမကြည့်ကြခြင်းပင်။
စာကြည့်မယ်လို့ စဉ်းစားတဲ့ညတွေမှာ ကျွန်မတို့ သူငယ်ချင်း စု ရဲ့ စာမကြည့်ခင် အိပ်ချင်ပြေ အလှပြင်ခြင်း မှ စ၍ စိတ်ကူးပြောင်းကာ ကဗျာတွေ ကာရံတွေ ကြားအာရုံရောက်ကာ နောက်တနေ့ ကျောင်းတက်ချိန်တွင် Roll call ကို ကျောင်းပြူတင်းပေါက်မှ လှမ်းထူးရတာနှင့် ကြုံရတတ်ပေသည်။ သူငယ်ချင်းရဲ့ အလှပြင်နည်းက ထူးဆန်းပါပေ့ဆရာတွတ် ရယ်ထက် ထူးပါသည်။ သူ့ လက်ထဲမှာ အရောင်ကွဲ ခဲတံနှစ်ချောင်းကို ဆုပ်ကိုင်ကာ တခန်းချင်းစီ ကြွက်ကလေးတကောင်လို လှစ်ကနဲ လှစ်ကနဲ ဝင်လာမည်။ စကားပြောနေတာပဲ ဖြစ်ဖြစ် အိပ်ဘို့ ပြင်ဆင်နေတာပဲဖြစ်ဖြစ် စာကျက်ဘို့  အားယူရင်း စာအုပ်တွေ ဖြန့် ထားတဲ့သူကိုပဲ ဖြစ်ဖြစ် သူက ခပ်တည်တည်နှင့် သူ့ ဘက်လှည့်ဘို့ ပြောမည်။ ရှိသမျှ လူကုန်ကလဲ သူပြောတာကို နာယူကြသည်။ ပြီးရင် သူက အဲဒီတယောက်မျက်နှာကို သူ့ ဒူးနှစ်ဘက် ပေါ်တင် လက်တဘက်က နဖူးပေါ်က အုပ်ကိုင် ချုပ်ထားပြီး စိတ်တိုင်းကျ ခဲတံကို တံတွေးစွတ်လိုက် မျက်လုံးတွေ နှုတ်ခမ်းတွေပေါ်ခြယ် သလိုက်နှင့် သူ့ ကိုယ်သူ ပရော်ဖက်ရှင်နယ်ကြီး စတိုင်နှင့် လုပ်ချင်ရာ လုပ်ပါတော့သည်။ တစ်ယောက်လည်း မဟုတ်။ အဆောင်ရှိလူကုန်။ တခန်းပြီးတခန်း။ အခန်း ခြောက်ခန်း .. ကျန်လူကိုးယောက်ကို သူက အဲဒီအချိန် ဗိုလ်...။ ပြီးရင် ထွက်လာတဲ့ နီနီရဲရဲ သူရဲရုပ်လေးတွေကို အခန်းမီးရောင်နဲ့  မှန်ထောင်ပေးရင် တွေ့ လား လှတယ် အရမ်းမိုက်တယ် နဲ့  ပျော်နေတတ်သေးသည်။
တခါတလေသူစိတ်ကူးရရင် အောင်သွယ်တော် ဖိုးလမင်း သီချင်းကို အသံနေ အသံထား မျက်နှာ အမူအရာ အမျိုးမျိုးနဲ့  ဆိုပြရင်း ဘေးနားက တယောက်ယောက် မျက်နှာကို အပြေးအလွှားလေး ကိုင်လိုက်ရင်း တကိုယ်တော် one lady show နဲ့  ပွဲသိမ်းပေးတတ်ပါသေးသည်။
အဲဒီသီချင်းကို သူ့ ကျေးဇူးကြောင့် ကျွန်မတို့  အလွတ်ရခဲ့သည်။
"အောင်သွယ်တော် ဖိုးရွှေလမင်းရယ် ... တိမ်ထဲကို ဝင်ကာမပြေးနဲ့ တောင်းပန်မယ်(လမင်းကြီးကို မော့ကြည့်ချင်ယောင်ဆောင်မယ်) .. ချစ်သူ့ ဆိုစကား အပြုံးရိပ်လေးများ လမင်းမှာငြိတွယ် ( တယောက်ယောက် မျက်နှာ ပြေးကိုင်မယ်) ပြောရင်းဖွေရှာ မောလှပါတယ် အချစ်ရယ် ( ရင်ဘတ်ဖိရင်း အမောဆိုက်ပြမယ်) နောက်တခါ လမင်းတွေ့ ရင် ပြောဖြစ်အောင် ပြောပြလိုက်ပါကွယ်... ဟေး... ပြီးပါပြီ ( ခြေတွေလက်တွေ မြောက်ပြီး စုံခုံမယ်)....
ဟိ.... စိတ်မဆိုးကြေးနော်.. နင်ပြီးရင် နောက်လူတွေလာမယ်