စာအုပ်တွေ ၂

ကျွန်မ အထက်တန်းကျောင်းသူ ဘဝ တစ်လျှောက် ဖတ်ခဲ့တဲ့ စာအုပ်တွေကတော့ English for all ၊ ရွှေသွေး၊ တေဇ၊ မိုးသောက်ပန်း၊ တွတ်ပီ၊ သုတဆွယ်စုံ၊ နက္ခတရောင်ခြည် စသဖြင့် လစဉ် အပတ်စဉ် ထုတ်များအပြင် တခါတလေ အမေ့ ဆေးစာအုပ် ဘီရိုထဲက ဟင်းသီးဟင်းရွက် နဲ့ ကျန်းမာရေး လိုမျိုး စာအုပ်တွေလဲ ယူဖတ်ဖြစ်ပါတယ်။ တနှစ်လောက် သိုင်းဝတ္တုတွေ ထဲမှာ မျောပါနေခဲ့သေးပြီး သူရဲကောင်းတွေကို အားကျနေခဲ့ မိပါသေးတယ်။ နောင်တော့ သိုင်းဝတ္တု စုံထောက်ဝတ္တုတွေရဲ့ ဇာတ်လမ်းကျောရိုးက သိပြီးသားဖြစ်နေတတ်တာ နဲ့  ရိုးအီပြီး လုံးဝ မဖတ်ဖြစ်တော့ပါဘူး။ နွေရာသီ ကျောင်းပိတ်ရက်ရှည်တလျှောက်လုံးမှာ အနီးအနားက ရွာတစ်ရွာမှာ အမြဲအလည်ရောက်နေလေ့ရှိပါတယ်။ ရွာဆိုပြီး အထင်တော့ မသေးလိုက်ပါနဲ့ ။ 6 ပေ 7ပေ လောက်ရှိတဲ့ ခြင်္သေ့ရုပ် ဖိနပ်နဲ့  စာအုပ်ဘီရိုကြီး တစ်လုံးရှိပါတယ်။ ကျွန်မ ငယ်ငယ်ပိစီကွေးတုန်းက အဲဒီ ဘီရိုနား ရောက်ရင် ပါးစပ်ဟ ထားတဲ့ ခြင်္သေ့ကြီး နှစ်ကောင်ကို ကြောက်လို့  အတင်း တွန်းကန် အော်ငိုတတ်ပေမဲ့ နောက်တော့ ကျွန်မ အမြဲလိုလို အချိန်ပေးတဲ့ နေရာဖြစ်လာပါတယ်။ အချို့ စာအုပ်တွေဆို ဝါပြီး ကြွေလုနီးနီး ကျွပ်ဆတ်နေတတ်ပါသေးတယ်။ သိပ္ပံမောင်ဝ၊ ဆရာ ဇော်ဂျီ စသဖြင့်လဲ ပါတတ်ပါသေးတယ်။ စာအုပ်တွေ အားလုံးလိုလိုက ကျွန်မထက်အသက်ကြီးတဲ့ စာအုပ်တွေပါ။ အဲဒီအိမ်က အကိုတွေ ဦးလေးတွေက စာအုပ်တွေ ရှိခိုးပြီးမှ ဖတ်လို့  စတတ် နောက်တတ်ပါတယ်။ နေ့ လည်ခင်းတွေမှာ ကလေးတွေကို လူကြီးတွေက နေပူလို့ ဆိုပြီး အပြင် ပေးမဆော့တတ်ကြပါဘူး။ နေ့ လည်ခင်းမှာ အိပ်မရအောင်  အလွန်ကြွတက် တဲ့ ကျွန်မက စာအုပ်တစ်အုပ် နဲ့  ကောက်ရိုးပုံပေါ် ဒါမှမဟုတ် တလင်းဘေး က ကွပ်ပစ်မှာ စာဖတ်လိုက် ငေးလိုက် သရက်သီး ခူးစားလိုက် နောက်ဖေးက မြေပဲခင်းကို နွား ဝင်လား ကြည့်လိုက်နဲ့  တော်တော်အလုပ်ဖြစ်ပါတယ်။ အဲဒီတုန်းက ထူးဆန်းတဲ့ စာအုပ်တစ်အုပ် ဖတ်မိဘူးပါတယ်။ တိရစ္ဆာန်တွေက လူတွေလို စကားပြောတတ်လာပြီး လူတွေကို ပြန်ပုန်ကန်တဲ့ အကြောင်းပါ။ ရှေးစာလုံး လက်ရေး လက်သားနဲ့ ရေးထားတဲ့ စာအုပ်ဖြစ်ပြီး ဘာအတွက်ရည်ရွယ်လဲတော့  မမှတ်မိတော့ပါဘူး။   ကျွန်မတို့ရှေးမြန်မာတွေ ခေတ်နောက်မကျဘူး မဟုတ်လားရှင်။ ရှေးကတည်းက အိမ်တွေမှာ စာအုပ်ဘီရိုခန့် ခန့်  ညားညားတွေနဲ့  စာပေရဲ့ တန်ဘိုးကို နားလည်ခဲ့ကြပါတယ်။ အဲဒီတုန်းက ကျွန်မနဲ့ အတူ နေ့ လည်ခင်းတွေမှာ စာဖတ်ဖော်တစ်ယောက်ရှိခဲ့သေးတယ်။ သူကတော့ ကျွန်မတို့  မေမေကြီး လို့ ခေါ်တဲ့ အိမ်ကြီးရှင် ဘွားဘွား ပဲဖြစ်ပါတယ်။ မေမေကြီးက သူကြားရုံ အသံလေးထွက် စာဖတ်ပြီး တခါတခါ ခဏ နားလို့  အော် ဒါက ဒီလို ပါလား။ အင်း စသည်ဖြင့် မှတ်ချက်လေးတွေနဲ့  ဖတ်တတ်ပါတယ်။
ပျော်ရွှင် အပူအပင် ကင်းခဲ့တဲ့ နေ့ ရက်တွေပါ။