ငယ်ငယ်တုန်းကလေ

ကျွန်မ ခြောက်နှစ်သမီးလောက်ကတည်းက တခုခုပြောချင်ရင် ငယ်ငယ်တုန်းကလေ လို့ စပြီး ပြောတတ်ကြောင်း အမေပြန်ပြောပြလို့ သိရပါတယ်။

အခုတော့ တကယ်လဲ ငယ်ငယ်တုန်းက အကြောင်း ပြန်တွေးမိ ရယ်ရမိပါတယ်။

ကျွန်မက ငယ်ကတည်းက ဘယ်လို ဗီဇ အထုံ ပါခဲ့တယ်မသိပါဘူး။  ယောက်ျားလေးလို သနပ်ခါး မလိမ်း ၊ ပေပေ တေတေ ကြီးပြင်းလာခဲ့ပါတယ်။ အသန့် ကြိုက် အလှကြိုက်တဲ့ အမေလဲ ကျွန်မကို စောင့်ကြည့်ရုံမျှသာ တတ်နိုင်ခဲ့ပါတယ်။ ငယ်ငယ်က ကျောင်းမှာ ကစားမက်တဲ့ TOP TEN မှာ ကျွန်မ ပါမယ်ထင်တယ်။

လူချစ်လူခင်ကလဲ များပါသေးတယ်။

မူကြို စ,တက်တဲ့နေ့ မှာပဲ ကျွန်မသူငယ်ချင်း ရန်နိုင်ဦး က ကျွန်မကို ကလေးတွေ စီးတဲ့ ကားနဲ့ ဝင်တိုက်လို့  ငိုရပါသေးတယ်။ သူငယ်ချင်းကလဲ အဲဒီနေ့ အကြောင်းမှတ်မှတ်ရရ ရှိနေပြီး ကျွန်မနဲ့ ဆုံတိုင်း စ,နောက်လို့  မဆုံးဖြစ်ရပါတယ်။ ကျွန်မ မူလတန်းရောက်တော့ နေ့ လည် ၁နာရီ မုန့် စားဆင်းချိန်မှာ ဆော့ချင်လွန်း အားကြီးပြီး ၂+၂ ကို အဖြေထွက်အောင် မတွက်နိုင် ဖြစ်ခဲ့တာ သတိရမိပါတယ်။

ဆော့ပုံ ကစားပုံက ကျောင်းပေါ် ကျောင်းအောက် ကျောင်းကြမ်းပြင်အောက်က တောင်ပို့ နားမကျန် ကျောင်းစောင့်အိမ်ပေါ် ကျောင်းစောင့်အိမ်အောက် ဆရာ၊ဆရာမ အခန်း ရုံးခန်း အတန်းတိုင်း အခန်းတိုင်းတော့ မပြောနဲ့ တော့ ကျွန်မမရောက်ဘူးတဲ့ နေရာ တစ်နေရာမရှိအောင် ကစားဘူးပါတယ်။ ကစားဘို့ သူငယ်ချင်းမရှိရင် တစ်ယောက်တည်း ကျောင်းကို ပတ်ပြေးခဲ့ဘူးပါတယ်။

ကျွန်မ လေးတန်း တက်တဲ့နှစ်မှာ ကျောင်းမှာ စာကြည့်တိုက်လေး တစ်ခုရှိလာတာနဲ့ တိုက်ဆိုင်တော့ ဆရာ ဆရာမတွေ တော်တော် အာရုံနောက် သက်သာသွားပါတယ်။

ဒါပေမဲ့ ကျောင်းက လုပ်တဲ့ ကစားပွဲတွေမှာတော့ ဝင်ပါခဲ့ပါသေးတယ်။

အဆော့ကစားသန်ပေမဲ့ ကျွန်မက ဒီလိုပွဲမျိုးမှာတော့ ဘိတ်ချည်း ကပါပဲ။

ထုပ်စည်းတိုး ရင်လဲ ကျွန်မကို ခေါ်မဲ့သူ မရှိပါဘူး။ သားရေကွင်းခုန် ကြိုးခုန်ရင်လဲ ကျွန်မကို သူငယ်ချင်းတွေက အမြဲကူရ ကယ်ရပါတယ်။ အပြေးပြိုင်ပွဲလိုမျိုးဆိုရင် အစမ်းလေ့ကျင့်တာမှာတင် ပြုတ်ခဲ့တာပါ။ ဘောလီဘော ဆိုရင်လဲ ပွဲပြီးသွားပေမဲ့ ကျွန်မ တစ်ချက်ထိလိုက်ရတာ တော်တော်ရှားပါတယ်။ ဟီး။ 

ဒါပေမဲ့ ထမင်းစားပြီးချိန် ဆော့တဲ့နေရာမှာတော့ အချိန်တော်တော်ကြာအထိ ထိပ်ဆုံးမှာ ရှိနေခဲ့ပါတယ်။ ညနေ အိမ်ပြန်ချိန်ရောက်ရင်လဲ အိမ်ကို တည့်တည့်ရှုရှုပြန်ဖြစ်တာ လက်ချိုးရေလို့ ရနိုင်ပါတယ်။ ကျောင်းကနေ အိမ်ကိုပြန်တဲ့ တောလမ်းလေးမှာ တွေ့ ကရာ ပန်းခူး၊ စမ်းချောင်းထဲ ဆင်းပြီး ကျောက်တုံးကောက်။ ဖားလေးတွေ ငါးလေးတွေ ရေကူးနေတာကို တိတ်တိတ်လေး စောင့်ကြည့်တာနဲ့ တင် နေဝင်သွားတတ်ပါတယ်။ ကျောင်းပိတ်ရက်တွေမှာ အိမ်ရှေ့ က မန်ကျည်းပင်ပေါ်မှာ ကင်းစောင့်တမ်း ကစားရင်း အမေ အလုပ်က ပြန်အလာကို စောင့်တတ်ကြပါတယ်။ အိမ်ရှေ့ မှာ ချောက်ကမ်းပါး နိမ့်နိမ့် လေးတစ်ခုရှိပြီး ကြာပန်းရောင်စုံတဲ့ ရေကန်တွေလဲ ရှိပါတယ်။ ရေကန်ပေါ်ကို စစ်ပင်က ကန့် လန့် ဖြတ်လဲကျတဲ့အခါ ဟိုဘက်ဒီဘက် ကူးရင်း ကြာပန်းခူးဘို့ ကြိုးစားမိတာ အမေမြင်သွားပြီး အတီးခံရတာ မှတ်မိနေပါသေးတယ်။ စမ်းချောင်းထဲက ကောက်လာတဲ့ ဖားပုံ ခွေးပုံ ကြောက်တုံးတွေဟာလဲ အလုပ်တဘက်နဲ့  အိမ်မှုတာဝန်ယူရတဲ့ အမေ့အတွက် တော်တော်ခေါင်းစားစေမယ်ဆိုတာ အသက်ကြီးမှ သိရပါတော့တယ်။ နွေရာသီမှာ အသံဝင်အောင် ကစားခဲ့တဲ့ ကျောက်ရုပ် ကျောက်ပျက်၊ ရေသူမ၊ အရူးမကြီး မစာဥ ၊ ရုပ်ရှင်ဝှက်တမ်း ကစားနည်းတို့ ကို လွမ်းပါတယ်။

ဒီလိုနဲ့  ကိုးတန်း ရောက်လာတော့ ဆယ်ကျော်သက်ကလဲ ဖြစ်လာပြန် စာတော်တဲ့ ကျွန်မသူငယ်ချင်းကလဲ အရမ်းငြိမ် အရမ်းအေး ဖြစ်လို့  သူ့ ကို အတုခိုးပြီး သာတောင့်သာယာ နေဘို့ ကြိုးစားခဲ့ပါသေးတယ်။

အဲဒီနေ့ က အကြောင်း ပြန်စဉ်းစားမိတိုင်း ပြုံးမိပါတယ်။ 

ကိုးတန်းဆောင် နောက်မှာ ကွန်ကရစ် တံတား တစ်ခုရှိနေပါတယ်။ တံတားရဲ့အောက်မှာ ရေပိုက်လိုင်း အကြီးကြီး တစ်ခုရှိပြီး မြောင်းငယ်လေးတစ်ခုလဲရှိပါတယ်။ အဲဒီနေ့ က ဝါဆိုလပြည့်နေ့ မတိုင်ခင် တစ်ရက်။ ကျောင်းအလှူ ရှိတဲ့နေ့ ပါ။ စာလဲမသင်တော့ တစ်ကျောင်းလုံး ဆော့ကစားပြီး အလွန်ပျော်စရာကောင်းတဲ့ တစ်နေ့ လဲဖြစ်ပါတယ်။ ကျွန်မလဲ မူလတန်းကလေးလို ပြေးလွှားမနေတော့ပေမဲ့ ကစားမက်တုန်းပါပဲ။

ကျောင်းနောက် တံတားအောက်က ရေပိုက်ပေါ်မှာ ခေါက်တုံ့ ခေါက်ပြန်လမ်းလျှောက် နေခဲ့ပါတယ်။ အဲဒီအချိန်မှာ ဆိတ်သိုးကြီး တစ်ကောင် ရန်မူတော့မလို အမူအရာ နဲ့ ပြေးလာပါတယ်။ ကျွန်မ သူငယ်ချင်း မိစု က ကြောက်ကြောက်နဲ့  အသံကုန်အော် ခဲနဲ့ ပေါက်ပြီး ရှေ့ ကပြေးပါတော့တယ်။ ကျွန်မလဲ ပိုက်လုံးပေါ်က ခုန်ချရင်း ကျောင်းထဲကို အမြန်ဆုံးရောက်တဲ့ ကျောင်းစည်းရိုး သစ်သားပြား နှစ်ချောင်းကြိုးနေရာ ခွေးတွေ ကလေးတွေ တိုးတဲ့အပေါက်ကနေ တိုးပြီးပြေးကြပါတယ်။ ဆိတ်ကလဲ မနေပါဘူး။ နောက်က ထပ်ကြပ်မကွာ လိုက်လာခဲ့ပါတယ်။ ကျွန်မတို့ နှစ်ယောက် နီးစပ်ရာ အတန်းရဲ့ ပြူတင်းပေါက်က ခုန်ကျော်ရင်း ရန်သူကို ချောင်းကြည့်ကြပါတယ်။

ဆိတ်က သူ့ ဒေါသကို ဖြေသာမဲ့သူကို လှည့်လည်ရှာရင်းက ကျွန်မတို့ ကျောင်းအုပ်ကြီးကိုသွားတွေ့ ပါတယ်။

ဆရာကြီးကလဲ အဲဒီနေ့ ကမှ ရွှေဖလားရောင် ပုဆိုးနဲ့  ငွေဖလားကြီး ကိုင်လို့  မောင့်ကြက်သရေ လို့ ခေါ်မလား ခေါင်းပေါင်းပေါက်စန လေးနဲ့ ပဲများတဲ့ နေ့ ပါ။ အရင်ဆုံး ဆိတ်က ဆရာကြီးကို သြဘာပေးရင်း နောက်က ဝင်ဝှေ့ လိုက်ပါတယ်။ အဲဒီနေ့ က ကျောင်းဝါဆိုအလှူ ရေစက်ချတော့ ဆိတ်ဝှေ့ လို့  ခါးနာနေတဲ့ ဆရာကြီးဟာ သံဃာတော်များရှေ့ မှာသိမ်သိမ်မွေ့ မွေ့ မထိုင်နိုင်ပါကြောင်း တောင်းပန်ပြီး ခါးဆန့် တန်းရင်း အလှူပြီးမြောက်ခဲ့ရပါတယ်။ ငယ်ငယ်ကတော့ ကိုယ့်အပြစ်အတွက်ကြောက်ပြီး မတောင်းပန်ခဲ့မိပေမဲ့ ပြီးခဲ့တဲ့ တစ်နှစ်က ဆရာကြီးနဲ့ ပြန်တွေ့ တော့ တောင်းပန်ခဲ့မိပါသေးတယ်။